२८ जेठ, काठमाडौं । पोल्यान्डले युरोकप छनोटमा शानदार जित हासिल गरेको छ । सोमबार राति भएको खेलमा इजरायलमाथि पोल्यान्डले ४–० को सानदार जित निकालेको हो ।
पोल्यान्डको जितमा क्रेजिस्टोफ पियाटिक, रोवर्ट लेवान्डोस्की, कामिल ग्रोसिकी र डामियन काड्जियरले गोल गरे । ३५औं मिनेटमा तोमास्ज काड्जिओराको पासमा क्रेजिस्टोफ पियाटिकले गोल गरेपछि पोल्यान्डले पहिलो हाफमा १–० को अग्रता बनायो । ५६औं मिनेटमा रोवर्ट लेवान्डोस्कीले पेनाल्टीमा गोल गर्दै अग्रता दोब्बर बनायो ।
त्यसको दुई मिनेटपश्चात नै कामिल ग्रोसिकीले गोल गर्दै पोल्यान्डलाई सहज जिततर्फ अघि बढाए । ८४औं मिनेटमा डामियन काड्जियरले गोल गर्दै ४–० को जित पक्का गरे ।
जितसँगै समूह ‘जी’ मा पोल्यान्डमा ४ खेलमा अपराजित रहेर १२ अंक जोड्दै शीर्षस्थानमा रहेको छ । इजरायल भने ७ अंकसहति दोस्रो स्थानमा रहेको छ ।
