२७ जेठ, काठमाडौं । ब्राजिलले अन्तर्राष्ट्रिय मैत्रीपुर्ण खेलमा होन्डुरसमाथि सानदार जित हासिल गरेको छ । आइतबार राति पोर्टाे एलेग्रीमा भएको खेलमा ब्राजिलले १० खेलाडीमा समेटिएको होन्डुरसलाई ७–० को भारी गोल अन्तरले पराजित गरेको हो ।
ब्राजिलले चोटका कारण स्टार फरवार्ड नेयमारलाई गुमाएपनि अन्य खेलाडीले भने उनको अभाव महसुस हुन दिएन ।ब्रजिलका लागि गाब्रियल जेससले ६ र ४७ मिनेट, थियागो सिल्भाले १३ मिनेट, फिलिपो काउन्टिन्होले ३७ मिनेट, नेरेस कम्पोसले ५६ मिनेट, रोबर्टो फिर्मिनोले ६५ मिनेट र रिचार्डलिसनले ७० मिनेटमा गोल गरेका थिए।
प्रतिक्रिया दिनुहोस्