२६ जेठ, काठमाडौं । अन्तत चेल्सी तथा बेल्जियको फरवार्ड इडेन हजार्ड स्पेनिस महारथी रियल म्याड्रिडमा अनुबन्धित भएका छन् । हजार्ड इंग्लिस क्लब चेल्सीबाट १५० मिलियन पाउन्डमा रियल म्याड्रिडमा गएका हुन्। पाँच वर्षको सम्झौता गरेका २८ वर्षीय हजार्डले १३ जुनमा म्याड्रिड जाने छन् अनि स्पेनमा मेडिकल हुनेछ ।
रियलले दुई वर्षअघिदेखि नै हजार्डलाई क्लबमा अनुबन्ध गर्ने प्रयास गरे पनि असफल भएको थियो । तर, यसपटक रियलले हजार्डलाई अनुबन्ध गर्न सफल भएको हो ।
चेल्सीमा हजार्डले ३५२ खेल खेल्दै ११० गोल गर्नुका साथै ९२ असिस्ट प्रदान गरेका थिए । उनले चेल्सीमा दुई प्रिमियर लिग, दुई युरोपा लिग, १ एफए कप र एक लिग कप जिताएका छन् ।
प्रतिक्रिया दिनुहोस्