२६ जेठ, काठमाडौं । आर्टेम ज्युबाको ह्याट्रिकको मद्दतमा रसियाले युरोकप छनोटमा सान मारिनोमाथि ९–० को फराकिलो जित हासिल गरेको छ ।
शनिबार राति घरेलु मैदानमा भएको खेलमा रसियाले सानदार जित हात पारेको हो । रसियाको जितमा अर्टिमले ह्याट्रिकसहित ४ गोल गर्दा फेडोर सोमोलोभले २ तथा फेडोर कुद्रायसोभ र एन्टन मिरानचुकले समान १ गोल गरे ।त्यस्तै , एक गोल भने उपहार स्वरुप पाएको थियो ।
गोलको भारी वर्षा भएको खेलमा रसियाले २५औं मिनेटमा मिचेले केभेलीको आत्मघाती गोलबाट अग्रता बनाएको थियो । अर्टिमले ३१औं मिनेटमा पेनाल्टीमा गोल गरे ।फेडरले कुद्रायसोभले ३६औं मिनेटमा गोल थपे । ४१औं मिनेटमा एन्टनले गोलपछि घरेलु टोलीले पहिलो हाफमा ४–० को अग्रता बनाएको थियो ।
त्यस्तै , ७३औं मिनेटमा अर्टिमले व्यक्तिगत दोस्रो गोल गरे । ७६औं मिनेटमा अर्टिम पेनाल्टीबाट चुके । तर, अर्टिमले ७६औं मिनेटमै गोल गर्दै ह्याट्रिक पुरा गरे ।
७७ र ८३औं मिनेटमा सोमोलोभले गोल गरेपछि रसिया ८–० को फराकिलो अग्रता बनायो । ८८औं मिनेटमा अर्टिमले एक गोल थप्दै टोलीलाई ९–० को फराकिलो जित दिलाए ।
