२६ जेठ, काठमाडौं । युरोकप छनोट अन्तर्गत बेल्जियमले सहज जित हासिल गरेको छ । शनिबार राति भएको खेलमा काजाकास्तानमाथि बेल्जियमले ३–० को जित निकालेको हो ।
बेल्जियमलाई जित दिलाउने क्रममा ड्रियस मर्टेन्स, तिमोथी कास्टाग्ने र रोमेलु लुकाकुले गोल गरे । बेल्जियमले खेलको ११औं मिनेटमा इडेन हजार्डको पासमा ड्रियस मर्टेन्सको गोलबाट अग्रता कायम गरेको थियो । त्यसको ३ मिनेटपश्चात मर्टेन्सको पासमा तिमोथीले गोल गर्दै घरेलु टोलीलाई २–० को अग्रता दिलाए ।
५०औं मिनेटमा मर्टेन्सको पासमा रोमेलु लुकाकुले गोल गर्दै ३–० को सहज जित दिलाए ।
बेल्जियमको यो लगातार तेस्रो जित हो । यससँगै बेल्जियम ३ खेलबाट ९ अंक जोड्दै शीर्षस्थानमा रहेको छ । काजाकास्तान भने ३ अंकसहित पाँचौ स्थानमा छ ।
प्रतिक्रिया दिनुहोस्