२४ जेठ, काठमाडौं । युरोपियन नेशन्स लिगको उपाधिका लागि पोर्चुगल र नेदरल्याण्ड आमने सामने हुने भएको छ । नेदरल्याण्डले दोस्रो सेमिफाइनलमा इंग्ल्याण्डलाई ३–१ ले पराजित गर्दै फाइनलमा स्थान सुरक्षित गर्यो । त्यस्तै ,पहिलो सेमिफाइनलमा पोर्चुगलले स्वीट्जरल्याण्डलाई पराजित गर्दै फाइनलमा नेदरल्याण्डसंगको भेट पक्का गर्यो ।
नेदरल्याण्ड र इंग्ल्याण्डबिचको खेल नियमित समय १–१ गोलको बराबरीमा टुंगिएको थियो । त्यसपछि थपिएको अतिरिक्त समयमा नेदरल्याण्डले दुई गोल गर्यो । जसमा एक गोल आत्मघाती पाएको थियो ।३२ औं मिनेटमा मार्कस रासफोर्डले पेनाल्टीमार्फत गोल गर्दै इंग्ल्याण्डलाई अग्रता दिलाएका थिए । ७३ औं मिनेटमा माथियास डि लाइटले गोल गर्दै खेल बराबरीमा पुर्याए । निर्धारित ९० मिनेटको खेल बराबरीमा सकिएपछि अतिरिक्त समय थप गरिएको थियो ।
अतिरिक्त समयको सातौं मिनेटमा केल वाल्करले आत्मघाती गोल गरेपछि नेदरल्याण्डले अग्रता लियो । तेस्रो स्थानका लागि आइतबार इंग्ल्याण्ड र स्वीट्जरल्याण्डबीच प्रतिस्पर्धा हुनेछ । फाइनल खेल भने सोमबार हुनेछ ।
