२४ जेठ, काठमाडौं । दुबईमा बस दुर्घटना हुँदा १७ जनाले ज्यान गुमाएको छ । दुर्घटनामा ५ जना गम्भीर घाइते रहेको दुबई प्रहरीले जनाएको छ।
विहीबार विभिन्न देशका ३१ जना मुस्लिमहरुको पर्व इद–उल–फित्रको छुट्टी मनाएर फर्कदै गर्दा उक्त दुर्घटना भएको हो । उनीहरु ओमानबाट फर्किने क्रममा गाडी दुर्घटनामा परेका हुन् ।
मृतकहरुको शव स्थानीय राशिद अस्पतालमा लगिएको छ भने घाइतेहरुलाई पनि सोही अस्पतालमा उपचार भइरहेको छ ।
उक्त बस बाटोमा रहेको एक बोर्डमा ठोक्किँदा दुर्घटना भएको जनाइएको छ । चालकको लापरबाहीका कारण दुर्घटना भएको बताइएको छ ।
प्रतिक्रिया दिनुहोस्