२३ जेठ, काठमाडौं । बिहीवार विश्वकप क्रिकेटमा डिफेन्डिङ च्याम्पियन अस्ट्रेलिया र विष्फोटक ब्याट्सम्यानले भरिएको वेस्ट इन्डीज आपसमा भिड्दै छन् ।ट्रेन्ट ब्रिज मैदानमा खेल नेपाली समय अनुसार ३:१५ बाट सुरु हुनेछ ।
लगातार दोस्रो जित निकाल्ने लक्ष्यका साथ दुवै टोली मैदान उत्रने छन् । दुबै टोलीबीच रोमान्चक प्रतिष्पर्धा हुने अनुमान गरिएको छ। पहिलो खेलमा अष्ट्रेलियाले अफगानिस्तानलाई तथा वेस्ट इन्डिजले पाकिस्तानलाई समान ७ विकेटले पराजित गरेका थिए ।
यी दुबैबीच हालसम्म १ सय ३९ वान डे खेल भएको छ । जसमा अष्ट्रेलिया ७३ खेलमा विजयी हुँदा ६० पटक पराजित भएको छ । ३-३ पटक नतिजा विहीन र बराबरीमा सकिएको छ। वेस्ट इन्डिज भन्दा अष्ट्रेलिया तुलानात्मक रुपमा धेरै बलियो टोली हो ।
अष्ट्रेलियाको टोली :एरोन फिनच (कप्तान), जेसन बेहरनडार्फ, एलेक्स कैरी (विकेटकिपर), नाथन कल्टर नाइल, पैट कमिङ्स, उस्मान ख्वाजा, नाथन लायन, शन मार्श, ग्लैन मैक्सवेल, केन रिचर्डसन, स्टीव स्मिथ, मिशेल स्टार्क, मार्कस स्टोइनिस, डेविड वार्नर, एडम जाम्पा।
वेस्ट इन्डिजको टोली :
जेसन होल्डर (कप्तान), क्रिस गेल, इविन लुइस, डारेन ब्रावो, शिमरोन हेटमायेर, एशले नर्स, फाबियान एलेन, आन्द्रे रसेल, कार्लोस ब्रैथवेट, निकोलस पूरन (विकेटकिपर), शाई होप (विकेटकीपर), केमर रोच, ओशाने थोमस, शेनन गैब्रिएल, शेल्टन काटरेल।
