बलिउड निर्देशक एसएस राजामौली निर्देशित फिल्म ‘बाहुबाली २ः द कन्क्लुजन’ हजार करोड क्लबमा प्रवेश गरेको छ । फिल्मको विश्वव्यापी कलेक्सनका आधारमा फिल्म हजार करोड क्लबमा प्रवेश गरेको हो । बलिउड फिल्मको इतिहासमा यो फिल्मबाहेक अन्य कुनै पनि फिल्मले यसअघि हजार करोड क्लबमा प्रवेश गरेको थिएन ।
भारतीय सञ्चारमाध्यमका अनुसार २८ अप्रिलमा रिलिज भएको फिल्मले रेकर्डमाथि रेकर्ड बनाइरहेको छ । फिल्मले रिलिजको पाँचौं दिन विश्वव्यापी रुपमा ५ सय १९ करोड कमाई गरेको थियो ।जसमा घरेलु बक्स अफिसमा ७ सय ३५ करोड र ओभरसिजमा १ सय ८० करोड कमाई छ । यो फिल्म रिलिजको नवौं दिनमा अर्थात गत शनिवार हजार करोड क्लबमा प्रवेश गरेको थियो । निर्माता करण जोहारले ट्वीटरमा भारतीय फिल्मको इतिहासमा सबैभन्दा ब्लकब्लष्टर फिल्मले ठूलो मिलको ढुंगा छोएको भन्दै ट्वीट गरेका छन् ।
