१८ जेठ, काठमाडौं । विश्वकप क्रिकेटमा आज दुई खेल हुँदैछ। पहिलो खेलमा न्युजिल्यान्ड र श्रीलंका आपसमा भिड्ने छन् भने अर्को खेलमा अफगानिस्तान र अस्ट्रेलिया आमनेसामने हुनेछ । न्युजिल्यान्ड र श्रीलंकाको खेल नेपाली समय अनुसार दिउँसो ३:१५ देखी सुरु हुनेछ ।
न्युजिल्यान्डको उत्कृष्ट फर्मलाई धोस्त पार्ने रणनीतिका साथ श्रीलंका मैदान उत्रनेछ । पछिल्लो एकवर्षमा १४ एकदिवसीय खेल खेलेको न्युजिल्यान्डले ८ खेलमा जित हासिल गर्दा ५ खेलमा पराजित भएको छ। त्यस्तै एक खेल बराबरी भएको छ।
त्यस्तै , अर्को खेलमा विश्वकपको सर्वाधिक सफल टोली अष्ट्रेलिया र अफगानस्तानबीच ब्रिस्टोलमा साँझ ६:१५ बाट खेल सुरु हुनेछ ।
साबिक विजेता अष्ट्रेलियाले ५ पटक उपाधि जित्दा २ पटक फाईनलमा पराजित भएको छ । अफगानिस्तान पहिलो पटक सेमिफाईनल पुग्ने लक्ष्यमा लक्ष्य राखेको छ ।
उपाधिको प्रमुख दाबेदार अष्ट्रेलिया तुलानात्मक रुपमा कमजोर अफगानिस्तानलाई फराकिलो अन्तरले हराउँदै विजयी सुरुवात गर्न चाहान्छ ।
