१८ जेठ, काठमाडौं ।
साहित्यकार ईल्या भट्टराई र माया ठकुरीलाई नारी साहित्य प्रतिष्ठानले गोमा स्मृति सम्मान प्रदान गरेको छ ।
नेपाल प्रज्ञा प्रतिष्ठानमा शुक्रबार सम्पन्न कार्यक्रममा भट्टराई र ठकुरीलाई प्रमुख अतिथि शताव्दी पुरुष, संस्कृतिविद् सत्यमोहन जोशीले रु १५/१५ हजार नगदसहित सम्मान गरेका हुन्।
कार्यक्रममा प्रमुख अतिथि जोशीलाई पनि प्रतिष्ठानले अभिनन्दन समर्पण गरेको छ ।
कार्यक्रममा सम्मानित स्रष्टाका बारेमा सिर्जनात्मक परिचय प्रा.डा. लक्ष्मण प्रसाद गौतमले गराएका थिए भने प्रतिष्ठानका सल्लाहकार रामप्रसाद दाहाल, पूर्वमन्त्री भद्रकुमारी घलेले शुभकामना मन्तव्य व्यक्त गरेका थिए । वक्ताहरुले साहित्यकार गोमा शर्माको साहित्यिक योगदानको चर्चा समेत गरेका थिए । उपमा आचार्यले संचालन गरेको कार्यक्रम गीता कार्कीको सभापतित्वमा सम्पन्न भयो ।
