१६ जेठ, काठमाडौं । १२ औं संस्करण एकदिवसिय विश्वकप आजदेखि इंग्ल्यान्ड र वेल्समा सुरु हुँदैछ । जुलाई १४ सम्म चल्ने प्रतियोगितामा १० देशले एक अर्कासँग भिड्ने छन् ।
आज उद्धघाटन खेलमा घरेलु टोली इंग्ल्यान्ड र दक्षिण अफ्रिकाबीच खेल हुनेछ । खेल नेपाली समय अनुसार लन्डनमा ३ : १५ देखि चल्नेछ । यी दुवै देशले हालसम्म विश्वकप उपाधि जित्नसकेका छैनन् । इंग्ल्यान्ड ३ पटक फाईनलमा पराजित भएको छ । दक्षिण अफ्रिकाले भने विश्वकपमा फाईनलसम्मको यात्रा आजसम्म तय नै गर्न सकेको छैन ।
उपाधि मुख्य दावेदार रहेको घरेलु टोली प्रतियोगितामा इंग्ल्यान्ड सुखद सुरुवात गर्न चाहन्छ । विश्वकप फाइनलमा पुग्ने लक्ष्य बोकेको दक्षिण अफ्रिका पनि घरेलु टोली इंग्ल्यान्डलाई पराजित गर्दै आफु पनि अब्बल रहेको साबित गर्न चाहान्छ ।
विश्वकप खेल्ने अफ्रिकाको टोली :
फाफ डु प्लेसिस (कप्तान), हसिम अमला, क्विन्टन डी कक, जेपी ड्युमिनी, एडेन मार्कराम, डेविड मिलर, लुन्गी निडी, क्रिस मोरिस, एन्डिले फेलुक्वायो, ड्वेन प्रिटोरियस, कागिसो रबाडा, तबरेज शम्सी, इमरान ताहिर, डेल स्टेन, रस्सि भान डर दुसेन
विश्वकप खेल्ने इंग्ल्यान्डको टोली :
इओन मोर्गन (कप्तान), मोईन अली, जोनी बयरस्टो, जस बटलर, टम करन, जोफ्रा आर्चर, जेम्स भिन्स, लियाम प्लन्केट, आदिल रासिद, जो रुट, जोसन रोय, बेन स्टोक्स, लियाम डसन, क्रिस वोक्स, मार्क वुड ।
