१३ जेठ, काठमाडौं । काठमाडौंमा जारी तेस्रो संस्करणकोे प्रधानमन्त्री राष्ट्रिय एक दिवसिय क्रिकेट प्रतियोगिता अन्तर्गत मुलपानी क्रिकेट मैदानमा भएको खेलमा प्रदेश ५ ले प्रदेश ३ लाई १ सय २३ रनको समान्य लक्ष्य दिएको छ ।
टस हारेर पहिला ब्याटिङ सुरु गरेको प्रदेश ५ ले ४२ ओभरमा १ सय २२ रन बनाउदै अल आउट भयो । प्रदेश ५ का लागि सवेन्दु पाण्डेले ३९ बलमा सर्वाधिक २० रनको योगदान दिए । सुरज दराई १८, सन्दीप सुनार १४ र सौरभ खनालले १३ रन जोड्न बाहेक अन्य कुनै पनि ब्याट्सम्यानले दोहोरो अंकमा रन बनाउन सकेन ।
प्रदेश ३ को कसिलो बलिङ सामु प्रदेश ५ का ७ ब्याट्सम्यानले दोहोरो अंकमा रन बनाउन सकेन । प्रदेश ३ का लागि कप्तान पारस खड्काले १० ओभरमा ३ मेडन सहित २४ रन खर्चेर ४ विकेट हात पारे । सुर्य तामाङले १० ओभरमा ३ मेडन सहित १६ रन खर्चेर ३, नन्दन यादव २,प्रतिस जिसीले १ विकेट लिए ।
