१० जेठ, काठमाडौं । आगामी जुन ९ अर्थात जेठ २६ गते स्वीट्जरल्याण्डको भ्रमणमा प्रधानमन्त्री केपी शर्मा ओली निस्कने भएका छन्।
प्रधानमन्त्री ओली दुई देशबिचको सम्बन्ध विस्तार र नेपालका विकास प्राथमिकताबारे अन्तर्राष्ट्रिय जगतलाई जानकारी गराउने उद्देश्य सहित विदेश भ्रमणमा जान लागेका हुन् ।
स्वीट्जरल्याण्डको भ्रमणपछि फ्रान्स र बेलायतको भ्रमणमा पनि प्रधानमन्त्री ओलीले निस्कने योजना बनाएको परराष्ट्रमन्त्रालय स्रोतले जनाएको छ।
उनी जेठ ३२ गते स्वदेश फर्कने कार्यक्रम रहेको परराष्ट्रमन्त्रालयका एक अधिकारीले बताए। उनको यो विदेश भ्रमणबारे औपचारिक जानकारी भने गराइसकेको छैन।
प्रतिक्रिया दिनुहोस्