१० जेठ, काठमाडौं । ब्राजिलका पुर्व मिडफिल्डर जुलियो बाप्टिस्टाले सबै खाले फुटबलबाट सन्यासको घोषणा गरेका छन् । सामाजिक सञ्जाल ट्वीटरमार्फत बाप्टिस्टाले संन्यासको घोषणा गरेका हुन् । उनले सन्यासको घोषणा गर्दै अब विश्राम गर्ने र नयाँ जीवन बिताउने बताएका छन् ।
‘२० वर्ष फुटबलमा बिताए । मैले यहाँ धेरै पाए । खेलाडीको करियरबाट सन्यास लिएको छु ।, बाप्टिस्टाले ट्वीटरमा लेखेका छन्, ‘अब नयाँ जीवन सुरुवात गर्नेछु । मलाई २० वर्षे अवधिमा साथ र सहयोग दिनु हुने सबैलाई धन्यवाद ।’
३७ वर्षीय बाप्टिस्टाले इङ्लीस क्लब आर्सनल र स्पेनिस क्लब रियाल मड्रिडबाट खेलेका थिए । २००१ मा बाज्रिलको राष्ट्रिय टोलीमा डेब्यू गरेका उनले ४७ खेलमा पाँच गोल गरेका छन् ।
प्रतिक्रिया दिनुहोस्