१० जेठ, काठमाडौं । अपहरण गरेर गोली हानी मारिदिने धम्की दिदैं रकम असुल्न खोज्ने एक प्रेम जोडीलाई प्रहरीले पक्राउ गरेको छ। पक्राउ पर्नेमा कैलालीका २४ वर्षीय लोकेन्द्रबहादुर शाही र २० वर्षीया रुबी ठाकुर रहेका छन् ।
ठाकुरको योजनामा उनका प्रेमी शाहीले काठमाडौंको बुद्धनगरका औषधी व्यवसायी सीताराम कार्कीलाई ५ लाख रूपैयाँ नदिए छोरा अपहरण गरेर गोली हानि मारिदिने धम्की दिदैं आएका थिए। कार्कीले दिएको उजुरीको आधारमा दुवैलाई गौशालाबाट प्रहरीले पक्राउ गरेको छ ।
कार्की र ठाकुरबीच पहिलेदेखि नै चिनाजानी रहेको र घटना घट्ने अवस्थासम्म कसरी पुग्यो भन्ने बारेमा अनुसन्धान भइरहेको रहेको छ।
प्रहरीले कार्कीलाई धम्क्याउन प्रयोग भएको मोबाइल र सीम कार्ड पनि बरामाद गरेको छ ।
प्रतिक्रिया दिनुहोस्