१० जेठ, काठमाडौं । गोधूलि साहित्य प्रतिष्ठानले शुक्रबार एक विशेष कार्यक्रमका बीच कलाकार फुर्वा दोर्जे मोक्तानलाई सम्मान गरेको छ । व्यवसायका साथसाथै कलाकारिता क्षेत्रमा क्रियाशील तामाङलाई गोधूलि युवा सिर्जनशील कला सम्मान –२०७६ द्धारा सम्मान गरेको हो ।
गोधूलि साहित्य प्रतिष्ठान र संस्कार समाज नेपालको संयुक्त आयोजनामा राजधानीको सुन्धारामा आयोजित एक कार्यक्रमका बीच संस्कार समाज नेपालका अध्यक्ष पशुपति गुरुङले तामाङलाई सम्मान पत्र तथा मालाद्धारा सम्मान गरिन ।
तामाङ मलेसियामा बसेर व्यवसायका साथसाथै समाजसेवा र कलाकारितामा लागि परेका छन् । दर्जनौं गीतहरुमा मोडलिङ गरिसकेका तामाङले नेपाली चलचित्रमा समेत मुख्य भूमिकामा अभिनय गरेका छन् । तामाङद्धारा अभिनित चलचित्र इन्काउन्टर प्रदर्शनको तयारीमा रहेको छ । तामाङको लेखन तथा गायनका केही गीतहरु समेत बजारमा आईसकेका छन् ।
