४ जेठ, काठमाडौं । कोपा अमेरिकाको लागि ब्राजिलका प्रशिक्षक टिटेले २३ सदस्यीय अन्तिम टोलीको घोषणा गरिसकेका छन् । १२ वर्षपछि उपाधि जित्ने लक्ष्य बोकेको ब्राजिलले रियल म्याड्रिडका २ सहित ८ स्टार खेलाडीलाई टोलीमा समावेश गरेको छैन ।
घरेलु मैदानमा हुन लागेको खेलमा प्रतियोगिताको समूह चरणमा ब्राजिलले बोलिभिया, भेनेजुएला र पेरुको सामना गर्नेछ । ब्राजिललले टिटेको नियुक्तियता जम्मा २ खेल हारेको छ । ८ खेलमा अपराजित रहेको ब्राजिलले ७ खेल जित्दै आफूलाई प्रतियोगिताको मुख्य दावेदारको रुपमा उभ्याएको छ ।
ब्राजिलको टोलीमा पर्न असफल रहेका खेलाडीहरु :
डेविड लुइज (चेल्सी, डिफेन्डर)
मार्सेलो (रियल म्याड्रिड, डिफेन्डर)
लुकास मोउरा (टोटेनहम, मिडफिल्डर)
डग्लस कोस्टा (युभेन्टस, मिडफिल्डर)
फ्रेड (म्यानचेस्टर युनाइटेड, मिडफिल्डर)
भिनीसियास जुनियर (रियल म्याड्रिड, मिडफिल्डर)
विलियन (चेल्सी, मिडफिल्डर)
फाबिन्हो (लिभरपुल, मिडफिल्डर)
