सुन्तलाको सिजन भनेको जाडो मौसममा हो तर फलफूलको सिजन जाडो होस् या गर्मी हाम्रो स्वास्थ्यको लागि सधैँ लाभदायक नै हुन्छ l सुन्तलामा प्रशस्त मात्रामा पानी पाइने हुने हुनाले गर्मी मौसम यसको सेवन गर्नु अतिनै उपयोगी हुन्छ l यसको स्वाद एकदम रसिलो हुनाले जो कोहीलाई पनि मन पर्दछ साथै सुन्तला स्वास्थ्यका हिसाबले पनि निक्कै फलदायि फल हो ।जसको सेवनबाट हाम्रो शरीरमा धेरै फाइदाहरू हुने गर्दछ ।
सुन्तलाको सेवनले गर्दा हाम्रो शरीरमा हुने फाईदाहरु यस प्रकार छन् :
– सुन्तलामा भिटामिन ए, बी र सी पाइने हुनाले हाम्रो शरीरको रोग प्रतिरोधात्मक शक्ति बढाउँछन् ।
– सुन्तलाले मृगौला र पिसाब सम्बन्धी रोग कम गर्न मद्दत गर्दछ ।
– सुन्तलामा पाइने एन्टिअक्सिडेन्टले छालालाई सुन्दर राख्नदछ ।
– यदि बालबालिकालाई झाडा पखाला लागेको छ भने सुन्तलाको रस थोरै–थोरै गरेर दिँदा शरीरमा चाहिने पानी लगायत अन्य तत्वको आपूर्ति हुन्छ ।
– सुन्तलामा पाइने भिटामिन ए आँखाका लागि एकदमै आवश्यक तत्त्व हो। जसले गर्दा हाम्रो आँखा तेजिलो बनाउन मद्दत गर्दछ l- सुन्तलामा फाइबर प्रशस्त मात्रामा पाइने हुँदा यसले हाम्रो शरीरमा कोलेस्ट्रोलको मात्रा घटाउँछ ।
– यदि तपाईँलाई कब्जियतको समस्या छ भने सुन्तला खाने गर्नुस्, किनभने सुन्तलाले दिसा खुलाउनुको साथै पाचन प्रक्रियालाई बलियो बनाउँछ ।
