२ जेठ, इलाम। एक महीनादेखि बालिका बेपत्ता भएसंगै परिवारले खोजी कार्य सुरु गरेको छ । गत वैशाख ६ गतेदेखि देउमाई नगरपालिकाका १५ वर्षीया बालिका सुजता फियाक बेपत्ता भई नभेटिएकोले परिवारले खोजीका लागि प्रहरीलाई अनुरोध गरेको हो ।
दिउँसो स्थानीय हाटबजार मङ्गलबारेमा साथीलाई भेट्न घरबाट निस्केकी थिए। उनी नफर्केपछि दाजु विक्रम फियाकले छरछिमेक तथा आफन्तमा सोधपुछका साथै प्रहरीसँग समन्वय गरेर खोजी गरिरहेको बताए ।
जिल्ला प्रहरी कार्यालयले बालिकाको खोजी गरिए पनि हालसम्म फेला नपरेको जानकारी दिएको छ ।
प्रतिक्रिया दिनुहोस्