२ जेठ, काठमाडौँ । रियल म्याड्रिडबाट खेलिरहेका मार्सेलो अर्को सिजनमा क्लब छाड्न चाहेका छन्। पूर्व सहकर्मी क्रिस्टियानो रोनाल्डोसँग खेल्नका लागि मार्सेलो युभेन्ट्स जान चाहेको स्पेनिस मिडियामा जताततै छाईरहेको छ ।
३० वर्षे मार्सेलोले यस सिजन रियलमा सोचे अनुरुपको प्रदर्शन भने गर्न सकेनन् र लगातार प्रशिक्षक परिवर्तन भईरहदा रियलमा संघर्ष गरिरहेका छन् । यो सिजन धेरै खेलहरुमा उनी बेन्चमै रहेका थिए ।युभेन्टस पनि लेफ्ट ब्याकको खोजीमा रहँदा मार्सेलो त्यसतर्फ जाने सम्भावना उच्च रहेको छ ।
युभेन्ट्सबाट आउने कुनै पनि प्रस्तावलाई म्याड्रिडले सहजै स्वीकार गरोस् भन्ने पक्षमा मार्सेलो रहेको बताइएको छ । जसले गर्दा उनी पुनः रोनाल्डोसँग खेल्ने वातावरण बन्न सक्दछ । रियलमा हुँदा यी दुईबीच निकै गहिरो दोस्ती रहेको थियो ।
सन् २००६ यता मार्सेलोले रियलको महत्वपूर्ण खेलाडीका रुपमा आफुलाई प्रमाणित गरि सकेका छन् ।
