३० वैशाख, काठमाडौँ । चेल्सीका मिडफिल्डर इडेन हाजार्डले आफ्नो भविष्यबारे निर्णय लिइसकेको जानकारी दिएका छन् । चेल्सीसँगको सम्झौता सकिन लाग्दा रियल म्याड्रिडले पनि इच्छा देखाएको अवस्थामा उनले नयाँ सम्झौता भने गरेका छैन ।
अन्तिम खेलमा लेस्टर सिटीसँग गोलरहित बराबरी खेलेसंगै हाजार्डले आफ्नो भविष्यबारे अभिव्यक्ति दिएका हुन् । ‘हो, मैले निर्णय लिइसकें । तर यो मेरो बारेमा मात्र होइन,’ उनले भने, ‘ सिजनको सुरुवात अघि नै यो अवस्था प्रष्ट होस् भन्ने मेरो पनि चाहना हो । यो सम्भव भने भएन ।’ ‘म पनि मिडियाजस्तै आफ्नो भविष्यबारे थाहा पाउन अड्केको छु । आशा गरौँ चाडैं यसबारे सबैलाई थाहा हुनेछ ।’
प्रशिक्षक माउरिजियो सार्रीले पनि हाजार्डले छाडेर जाने संकेत दिए । उनले यस क्लबमा ७ सिजन बिताएका छन् ।
प्रतिक्रिया दिनुहोस्