हाम्रो गाउँघर तिर पुदिना प्रशस्त पाइन्छ ।पुदिनालाई अचार, तरकारी आदिको रूपमा प्रयोग गरिने ताजा एवं सुकाएर दुवै रूपमा प्रयोग गर्न सकिन्छ l पुदिना चिसो ठाउँमा पाइन्छ l यसले हाम्रो स्वास्थ्यमा देखा पर्ने विभिन्न समस्याहरुलाई निको पार्न मद्दत गर्छ ।यस्ता छन् पुदिनाले हाम्रो स्वास्थ्यमा पुर्याउने फाइदाहरू:
– पुदिनाको पातलाई पानीमा पकाएर बिहान पिउँदा पेटको दुखाईमा आराम हुन्छ ।
– पुदिनाको तेल, बाम( भिक्स) निधार, नाकमा लगाउनाले टाउको दुखाई ठिक हुन्छ ।
– घाँटी बढी खसखस भएर खोकी लागेमा पुदिनाको पात पानीमा पकाइ पिउँदा दम र खोकीमा सुधार हुन्छ ।
-पुदिनाले छालामा हुने संक्रमण घटाउनुका साथै छालालाई भित्रैबाट सफा गरी पिम्पल्स हटाउन मद्दत गर्छ ।
– यदि काटेको ठाउँमा रगत बग्न बन्द भएन भने पुदिनाको पातलाई निचरेर रस निकाली लगाउँदा घाउमा रगत थामिन्छ र छिटो निको समेत पार्दछ ।
-कुनै व्यक्ति मुर्छा वा बेहोस् भएको छ भने पुदिनाको पातलाई माडेर केहीबेर सुँघाइदिँदा होस आउँछ ।
