मौरीले फूलको रस चुसेर त्यसमा विभिन्न पदार्थहरू मिलाई चाकामा परिणतगरि बन्ने प्राकृतिक गुलियो पदार्थ हो, मह। जसले हाम्रो स्वास्थ्यका लागि निकै फाइदा गर्दछ । यसमा एन्टिअक्सिडेन्ट्स, भिटामिन, एन्जाइम, क्याल्सियम, आइरन, सोडियम, क्लोरिन, पोटासियम पाउन सकिन्छ । मह खानपान र तागतका लागि मात्र नभई चिकित्सा, सौन्दर्य , शक्तिवर्धक र रोगनिरोधक क्षमता भएको आदिका लागि परापूर्व कालदेखि उपयोग गरिँदै आएको छ ।
महका केहि फाइदाहरु यस प्रकार छन् :
-अदुवाको रसमा मह मिसाएर खानाले खोंकि सन्चो हुन्छ ।
-स्टामिना तथा फर्टिलिटी बढाउन पनि महको सेवन गर्दा राम्रो हुन्छ ।
– महमा ग्लुकोज पाइने हुदा महमा पाइने भिटामिन र सुगर शरीरभित्र पसेपछि छिट्टै घुल्छन् र अन्य मिष्टान्न परिकारले जस्तो नराम्रो परिणाम देखाउँदैन ।
-.यसमा भएको एन्टिब्याक्टेरियल, एन्टिमाइक्रोबियल गुणले केही ब्याक्टेरियालाई फैलिन दिँदैन ।
– मोटाउन चाहनु हुन्छ भने राती दूधमा मह हालेर पिउने गर्नाले मोटाइन्छ ।
– शरीरको वजन घटाउन चाहनुहुन्छ भने बिहान मनतातो पानीमा कागतीको रस र मह हालेर नियमित खाने गर्नुपर्छ । जसले गर्दा वजन बढ्न पाउँदैन ।
-सुन्दरताका लागि मह एकदमै लाभदायक हुन्छ ।आँखावरिपरि डार्क सर्कल छ भने मह र बदामको तेल बराबर मात्रामा मिसाई आँखा वरिपरिको छालामा सुत्ने बेलामा लगाउनु पर्छ ।जसले गर्दा डार्क सर्कल कम हुन्छ।
