२३ वैशाख, काठमाडौं ।
घरेलु टोली इंग्ल्यान्डले पाकिस्तानसँगको एक मात्र टी ट्वान्टी खेलमा सहज जित निकालेको छ । आईतबार राती भएको खेलमा इंग्ल्यान्डले पाकिस्तानलाई ७ विकेटले पराजित गरेको छ । १ सय ७४ रनको विजयी लक्ष्य पछाएको इंग्ल्यान्डले ४ बल अगाडीनै ३ विकेटको नोक्सानीमा लक्ष्य पुरा गर्यो ।
इंग्ल्यान्डका कप्तान ओइन मोर्गनले २९ बलमा ५७ रन बनाउदै अविजित रहे । जेम्स भिन्स ३६, जो रुट ४७ रनमा आउट हुँदा जो डेनली २० रनमा अविजित रहे । पाकिस्तानका लागि हसन अली,इमाद वासिम र शाहिद साह अफ्रिदीले समान १ विकेट हात पारे ।
त्यस अघि जितेर पहिला ब्याटिङ रोजेको पाकिस्तानले निर्धारित २० ओभरमा ६ विकेट गुमाउँदै १ सय ७३ रन बनाएको थियो । पाकिस्तानका लागि ओपनर बाबर आजमले ४२ बलमा ६५, इमाद वासिम १८,फहिम असरार्फ १७,आसिफ अली ३,फकार जमान र इमाम उल हकले समान ७ रन बनाए । त्यस्तै ह्यारिस सोहेलले ३६ बलमा ५० रनको योगदान दिए ।
जोफ्रा आर्चरले २,टम करन र क्रिस जोर्डनले समान १ विकेट लिए । पाकिस्तान र इंग्ल्यान्डबीच अव पाँच ओडीआई सिरिजको हुने छ ।
