२२ वैशाख, काठमाडौँ ।
श्रीलंकाका पूर्व क्रिकेटर कुमार संगाकाराको कीर्तिमान भारतीय क्रिकेट रिषभ पन्तले तोडेका छन् ।
आईपीएल अन्तर्गत दिल्ली क्यापिटल्समा आबद्द रहेका ब्याटिङको साथै विकेट किपिङमा पनि जमेका पन्तले आईपीएलको एकै सिजनमा सबैभन्दा बढि क्याच लिने संगाकाराको कीर्तिमान तोडेका हुन् ।
यस सिजनमा २३ क्याच लिइसकेका पन्तले आईपीएलको एक सिजनमा सबैभन्दा धेरै क्याच लिने खेलाडी बन्न सफल भएका छन् । यसअघि सन् २०११ मा कुमार संगाकाराले एकै सिजनमा १९ क्याच लिंदै यो कीर्तिमान आफ्नो नाममा बनाएका थिए ।
विकेट किपिङमात्र नभएर पन्तले यो सिजनमा ब्याटिङमा पनि राम्रो प्रदर्शन गर्दै आफुलाई अब्बल साबित गरिसकेका छन्। उनले यस सिजनमा मात्रै ३१ चौका र १६ छक्का प्रहार गरिसकेका छन् ।
प्रतिक्रिया दिनुहोस्