१९ वैशाख, ललितपुर ।
सातदोबाटोबाट प्रहरीले चोरीको आरोपमा एकजनालाई पक्राउ गरेको छ। सातदोबाटो चोकमा रहेको सेल्सबेरी डिपार्टमेन्ट स्टोरबाट ८ लाख ८४ हजार चोरी गरेको आरोपमा सिन्धुलीका २८ वर्षीय इन्द्रबहादुर घिसिङ पक्राउ परेका छन् ।
चोरीमा संलग्न घिसिङले यसअघि सोही स्टोरमा सुरक्षा गार्डको रुपमा काम गरेको अनुसन्धानबाट खुलेको थिए । घिसिङले चोरी गरेको पैसाले प्रेमीकालाई ५५ हजारको मोबाइल उपहार दिएको अनुसन्धानका क्रममा खुलेको डीएसपी मिश्रले जानकारी दिए।
उनले मध्यरातसम्म बाथरुममा लुकेका र करिब १ः३० बजे सेफमा राखिएको नौ लाख चोरी गरेका थिए । जिल्ला अदालतबाट म्याद थप गरी उनीमाथि अनुसन्धान भइरहेको डीएसपी गौतमले जानकारी दिए।
प्रतिक्रिया दिनुहोस्