१९ वैशाख, काठमाडौं ।
क्याटलान क्लब बार्सिलोनाको लागि कप्तान लियोनेल मेस्सीले ६००औं गोलको कोसेढुङ्गा पार गरेका छन् । बुधबार राति भएको खेलमा लिभरपुलमाथि ३–० को जित निकाल्ने क्रममा खेलमा दुई गोल गरेसँगै मेस्सीले बार्सिलोनाका लागि ६००औं गोलको आँकडा पार गरेका हुन् ।
मेस्सीले १४ वर्षअघि स्पेनिस ला लिगामा अल्वासेटविरुद्ध खेल्दै बार्सिलोनाको लागि पहिलो गोल गरेका थिए । मेस्सीले कोपा डेल रेमा ५०, स्पेनिस ला लिगामा ४१७ र च्याम्पियन्स लिगमा ११२ गोल गरेका छन् । अन्य विविध प्रतियोगितामा २१ गोलसहित ६००औं गोल पुरा गरेका हुन् ।
प्रतिक्रिया दिनुहोस्