आश्माको प्रेममा यसरी परे सरोज (हेर्नुहोस् भिडियो)

कार्टुन क्रुज समूह नेपाली युवाहरुमाझ लोकप्रिय छ । विभिन्न गीतमा फिचरका रुपमा कार्टुन क्रुजको डान्स प्रस्तुतिहरु दर्शकहरुले उतिकै मनपराउँछन् । पछिल्लो समय निकै चर्चा कमाएको डान्स ग्रुप ‘कार्टुन क्रुज’ले अभिनय गरेका गीत एकपछी अर्को सुपरहिट भएका छन्  ।

गायक संजिब पराजुलिको स्वरमा रहेको  ‘सोचमा’बोलको गीत युट्युब मार्फत सार्वजनिक गरिएको छ । गीतमा सरोज अधिकारी ,आश्मा वि.क. , लाक्पा लामा,राम घले लगाएत फिचर्ड छन् । गायक संजिब पराजुलिको समेत अभिनय देख्न सकिन्छ ।

गीतमा सरोजलाई बसको सहचालक र आश्मालाई कलेजको विद्यार्थीको रुपमा देख्न सकिन्छ। यस गीतमा सरोज एकोहोरो प्रेममा परेको एक युवकको कथालाई समेटिएको छ ।

कार्टुन क्रुजका सरोजले फरक किसिमको गीतमा अभिनय गर्न पाउँदा नौलो अनुभव भएको बताएका छन्। ‘हामी प्रायः डान्सिङ नम्बरको गीतमा मात्र काम गथ्र्यौ तर यसपटक अलिक फरक सेन्टिमेन्टल किसिमको गीतमा देखिएका छौं:उनले भने ।

‘सोचमा’ बोलको गीतमा सरोज र आश्मालाई पृथक सैलीमा प्रस्तुत गरिएको छ । ज्ञानेन्द्र शर्माले छायांकन गरेको भिडियोलाई सम्पादन तथा सहाएक निर्देशन भने लाक्पा डि लामाले गरेका छन् ।कार्टुन्ज क्रुका सरोज अधिकारीको निर्देशनमा निर्माण भएको यस गीतको भिडियोमा कार्टुन्ज क्रुको कोरियोग्राफी रहेको छ ।

कमल खत्रीको शब्द/कम्पोज रहेको यस गीतलाई रिकेश गुरुङले यरेन्ज गरेका हुन्। भिडियोमा कन्सेप्ट तथा निर्देशन सरोज अधिकारीको रहेको छ।

भिडियो हेर्नको लागि यहाँ क्लिक गर्नुहोस् :

https://youtu.be/1ruVMEe-5IY

सुदर्शन बुढाथोकी