१८ वैशाख, धादिङ ।
धादिङको पृथ्वीलोकमार्गमा भएको सवारी दुर्घटनामा परि २ जनाको मृत्यु भएको छ । मृत्यु हुनेमा मोटरसाइकलमा सवार काठमाडौं चन्द्रागिरीका २९ वर्ष को राज महर्जन र चन्द्रागिरी नगरपालिका–१२ बस्ने वर्ष ३० को कवि कुमार महर्जन रहेका छन् ।
बा४ख ५१०३ नम्बरको माइक्रो र गजुरीबाट काठमाडौंतर्फ जाँदै गरेको बा९७प २५३८ नम्बरको मोटरसाइलक एक आपसमा ठोकिदा दुर्घटना भएको इलाका प्रहरी कार्यालय गजुरीका इन्सपेक्टर नवराज ढुंगेलले जानकारी दिए ।
माइक्रोको ठक्करबाट उछिट्टिएका मोटरसाइकलमा सवार दुवै जना सोही दिशातर्फ जाँदै गरेको ना६ख ५६१४ नम्बरको ट्रकको चक्कामा पुगेको र ट्रकको चक्काले किच्दा उनीहरुको घटनास्थलमै मृत्यु भएको ढुंगेलले बताए ।
प्रतिक्रिया दिनुहोस्