१६ वैशाख, काठमाडौं ।
नर्नवर्ग पेनाल्टीमा चुक्दा शीर्षस्थानको बायर्न म्युनिखलाई राहत मिलेको छ । जर्मन बुन्डेस लिगा अन्तर्गत आइतबार राति भएको खेलमा शीर्षस्थानको बायर्न नर्नवर्गसँग १–१ गोलको बराबरीमा रोकिएको हो ।
शीर्षस्थानको बायर्न बराबरीमा रोकिएसँगै जर्मन बुन्डेस लिगाको उपाधि होड रोमान्चक बन्दै गईरहेको छ । बायर्नको ३१ खेलबाट ७१ अंक जोडेर शीर्षस्थानमा रहेको छ । दोस्रो स्थानको बोरुसिया डर्टमन्ड ६९ अंक छ । बराबरीपछि नर्नवर्ग रेलिगेसन जोनको १७औं स्थानमा छ ।
प्रतिस्पर्धात्मक बनेको खेलमा पहिलो हाफ गोलरहित बराबरीमा सकिएपनि दोस्रो हाफको शुरुमै म्याथ्युज पेरेराले गोल गर्दै घरेलु टोलीलाई सुरुवाती अग्रता दिलाएका थिए ।
तर, ७५औं मिनेटमा सर्जि जिनाब्रीले बराबरी गोल फर्काए । घरेलु टोलीले खेलको इन्ज्युरी समयमा प्राप्त पेनाल्टीलाई सदुपयोग गर्न नसक्दा बराबरीमा रोकिन पुग्यो ।
