दिनेश पौडेलले निर्देशन गरेको चलचित्र ‘रे’को पहिलो रोमान्टिक गीत ‘सागरमाथि’ युट्युब मार्फत सार्वजनिक गरिएको छ ।
गीतको लिड भूमिकामा दिवश धिताल र अभिनेत्री सुजता थापा फिचर्ड रहेका छन् । गीतको भिडियोमा पोखराको फेवातालमा डुंगा चलाउँदै सुजना र दिवश एकअर्कालाई आफ्नो प्रेम अभिव्यक्त गरिरहेका छन् ।
चर्चित गायिका मेलिना राई र गायक ओम सुनारको समधुर स्वर रहेको गीतमा गायक ओमले नै संगीत भरेका छन् । गीतमा राजेन्द्र त्रिपाठीको शब्द रहेको छ ।
चलचित्रमा दिवश धिताल, सुजता थापा सुनिल थापा, पुर्णिमा लामा, क्रान्ति बराइली, अभि जोशी, रक्षा गुरागाई लगायतका कलाकारहरुको अभिनय रहेको छ ।
चलचित्र एक्सन, लभ, रोमान्स र कमेडी जनराको समिश्रणबाट बनेको निर्देशक पौडेलले बताएका छन् ।
चलचित्र ‘रे’ यही असार २७ गतेबाट अल नेपाल प्रदर्शनमा आउँदैछ ।
भिडियो हेर्नको लागि यहाँ क्लिक गर्नुहोस्:
