निर्देशक तथा अभिनेत्री झरना थापाले चलचित्र ‘ए मेरो हजुर २’ बाट निर्देशनमा डेब्यु गरेकी थिइन् । यसको सफलता पछि उनले ‘ए मेरो हजुर ३’मा मेगा स्टार अनमोल केसीसँग आफ्नो छोरी सुहाना थापालाई डेब्यु गरिन् । चलचित्र ‘ए मेरो हजुर ३’ अहिले हलमा लागि रहेको छ यसले बक्स अफिसमा समेत धमाका मचाइ रहेको छ ।
अनमोल र सुहानाको जोडीलाई दर्शकले अत्यन्तै रुचाएको हुँदा पुनः यो जोडी निर्देशक झरना थापाले निर्देशन गर्न लागेको आगामी चलचित्र ‘भागवत गीता’मा पनि दोहोरिने सम्भावनाको खबर खुल्नमा आएको छ ।
झरनाले आइतबार अनमोल र सुहानाको साथमा फेसबुकमा एउटा फोटो पोस्ट गर्दै फोटोमाथि ‘मेरो भागवत गीता’ लेखेकी छिन् । यसबाट पनि उनीहरू पुनः दोहोरिने सम्भावनाको पुष्टि हुन्छ । निर्देशक तथा अभिनेत्री झरना थापाले अनमोलसँग मौखिक रुपमा कुरा पनि भइरहेको बताएकी छिन् । तर कागजी रूपमा भने सम्झौता हुन अझै बाँकी नै रहेको छ ।
