बलिउड चलचित्रमा पछिल्लो समय एउटा सिनकै कारण निकै चर्चामा आएकी नायिका हुन् प्रिया प्रकाश वारियर । उनले चलचित्र ‘श्रीदेवी बंगलो’बाट बलिउडमा पाइला टेकेकी थिइन् भने अब मयंक प्रकाश श्रीवास्तवको ‘लभ ह्याकर्स’ मा प्रिया मुख्य भूूमिकामा रहने भएकी छिन् । यो चलचित्र साइबर क्राइमको बिषयमा बन्दै छ ।
चलचित्र जेठ महिनाको अन्तिमबाट छायांकन सुरु हुने निर्देशन मयंक प्रकाश बताएका छन् । चलचित्रको छायांकन लखनउ, गुरुग्राम र मुम्बईमा हुनेछ ।प्रिया प्रकाशले एक त्यस्ती युवतीको भूमिका निभाउँदै छिन्, जो युवती दुर्भाग्यपूर्ण परिस्थितिमा फस्छे अनि आफ्नो बुद्धिले त्यहाँबाट उम्किन्छे । चलचित्र वास्तविक घटनामा आधारित रहेको छ ।
प्रतिक्रिया दिनुहोस्