१२ बैशाख, काठमाडाैँ । थाइल्याण्डमा जारी एसिसी सोह्र वर्षमुनि पूर्वी क्षेत्रीय क्रिकेट प्रतियोगिताअन्तर्गत आज भएको समूह चरणको अन्तिम खेलमा नेपाल र थाइल्याण्डबीचको खेल वर्षाले रद्द भएको छ ।
बिहीबार बिहान पहिले ब्याटिङ गर्दै नेपालले सात विकेटको क्षतिमा २३४ रन बनाएको थियो । २३५ रनको लक्ष्य पछ्याउँदै ब्याटिङमा उत्रिएको थाइल्याण्डले एक ओभर पाँच बलको सामना गर्दा वर्षा भएपछि खेल रोकिएको थियो ।
अघिल्ला दुई खेल जितेको नेपाल तेस्रो खेल रद्द हुँदा पनि समूह विजेता हुँदै सेमिफाइनलमा प्रवेश गरेको छ । खेल रद्द हुँदा दुवै टोलीलाई समान १–१ अंक बाँडिएको छ । नेपाल पाँच अंकसहित समूह विजेता बन्दा दुई खेलमा जित र एउटामा पराजय भोगेको मलेसिया समूह उपविजेताका रुपमा सेमिफाइनलमा प्रवेश गरेको छ ।
प्रतिक्रिया दिनुहोस्