१२ बैशाख, काठमाडाैँ ।
इंग्लिस प्रिमियर लिग फुटबलमा वल्भ्ससँग आर्सनलले लज्जास्पद हार बेहोरेको छ । प्रिमियर लिग अन्तर्गत बुधबार राति भएको खेलमा वल्भ्सले आर्सनललाई ३–१ गोल अन्तरले पराजित गरेको हो ।
२८औं मिनेटमा रुवेन नेभेसले गोल गर्दै घरेलु टोलीलाई अग्रता दिलाए । ३७औं मिनेटमा माट डोहर्टीले गोल गर्द २–० को अग्रता दिलाए । पहिलो हाफको इन्ज्युरी समयमा डिएगो जोटाले गोल गर्दै घरेलु टोलीलाई पहिलो हाफमा ३–० को अग्रता दिलाए । ८०औं मिनेटमा सोक्रेटिसले सान्त्वाना गोल गर्दै आर्सनललाई खेलमा फर्काउने संकेत दिएपनि त्यो गोल खेलमा फर्कन निकै ढिला भईसकेको थियो । घरेलु टोलीलाई निक्कै दबाबमा राखेपनि आर्सनलले गोल खान पुगेको थियो ।
हारसँगै आर्सनलले चौथो स्थानमा उक्लने मौका गुमाएको छ । आर्सनलको ३५ खेलबाट ६६ अंक जोडेर पाँचौ स्थानमा रहेको छ ।
