१० वैशाख, दमौली l
सुनौलीबाट पोखरा आउँदै गरेको यात्रु बस गए राति २ बजे पृथ्वीराजमार्ग अन्तर्गत तनहुँमा दुर्घटना हुदा छ जना घाइते भएका छन् ।
ना ५ ख ५३३० नंको बस शुक्लागण्डकी नगरपालिका–७ शेराटारस्थित राजमार्गमा अनियन्त्रित भई सडकबाट खस्दा छ यात्रु घाइते भएका हुन् l
घाइते यात्रु भारत उत्तर प्रदेशमा घर भई हाल बागलुङ काठेखोला गाउँपालिका–४ मा बस्ने ५४ वर्षीय मुनिराम मोहरिया, निजकी श्रीमती ४८ वर्षीया कञ्चन मोहरिया, म्याग्दी अन्नपूर्ण गाउँपालिका–१ मा बस्ने ३० वर्षीया धनकुमार परियार, कपिलवस्तु नगरपालिका–९मा बस्ने ३९ वर्षीय रेशम शाह,पर्वत कुश्मा नगरपालिका–१ मा बस्ने तेसै गरि ३६ वर्षीय हरिबहादुर छन्त्याल र सोही स्थानको १० वर्षीय रवि परियार पनि दुर्धटनामा परेको जिल्ला प्रहरी कार्यालयले तनहुँ जनाइएको छ ।
घाइतेहरुको शुक्लागण्डकी नगरपालिका–५ बेलचौतारास्थित जिपी कोइराला श्वासप्रश्वास उपचार केन्द्रमा उपचार भइरहेको प्रहरी नायब उपरीक्षक लीलाराज लामिछानेले जानकारी दिए ।
