९ वैशाख, काठमाडौं ।
इन्डियन प्रिमिएर लिग क्रिकेटमा आज नेपाली राष्ट्रिय टोलीका सन्दीप लामिछाने आबद्ध दिल्ली क्यापिटल्सले आज राजस्थान रोयल्ससंग प्रतिस्पर्धा गर्दैछ । राजस्थानको घरेलु मैदानमा खेल नेपाली समयअनुसार बेलुका ८ः१५ बजे सुरु हुनेछ ।
राजस्थान चौथो जितको खोजीमा हुनेछ भने दिल्ली शिर्ष दुईमा स्थान बनाउने रणनीतिका साथ मैदान उत्रने छ। ६ खेलमा जित र ४ मा हारको नतिजासहित १० अंकका साथ दिल्ली लिगतालिकाको तेस्रो स्थानमा छ । राजस्थान ६ अंकसहित पुछारबाट दोस्रो स्थानमा छ ।
आजको खेलमा दिल्लीले नेपाली युवा लेग स्पिनर लामिछानेलाई प्लेइङ–११ मा समाबेश गर्ने सम्भावना प्रबल छ । किङ्स–११ पन्जाबविरुद्ध ३ विकेट लिएपछि सन्दीप आज पनि टिममा पर्ने सम्भावना बढेको हो ।
दिल्लीको सम्भावित प्लेइङ–११
शिखर धवन, पृथ्वी शाह, कप्तान श्रेयस ऐयर, रिसभ पन्त, कोलिन इन्ग्राम, अक्सर पटेल, अमित मिश्रा, शेरफन, कागिसो रबडा, इशान्त शर्मा र सन्दीप लामिछाने
राजस्थानको सम्भावित प्लेइङ–११
अजिन्क्या रहाने, सन्जु सामसन, कप्तान स्टेभन स्मिथ, बेन स्ट्रोक्स, रियाल पराग, आसटन टुर्नर अथवा लियम लिभिङस्टोन, स्टुर्ट, जोफ्रा आर्चर, श्रीयस गोपाल, जयदेभ उनाकान्त, धवल कुलकर्नी
