९ वैशाख, काठमाडौं । प्रिमियर लिग अन्तर्गत आइतबार राति भएको खेलमा लिभरपुलले कार्डिफ सिटीलाई उसकै मैदानमा २–० ले पराजित गर्दै लिगको शीर्ष स्थानमा उक्लन सफल भएको हो ।
यो जितसँगै लिभरपुलले म्यानचेस्टर सिटीलाई २ अंकले पछि पारेको छ । यद्दपि सिटीले एक खेल कम खेलेको छ । लिभरपुलले खेलभर नै कार्डिफलाई दवावमा राखेपनि पटक–पटकको प्रयास लगातार विफल भइरहँदा लिभरपुलले गोलको लागि दोस्रो हाफ कुर्नुपरेको थियो ।
५८औं मिनेटमा ट्रेन्ट एलेक्सन्डर अर्नाेल्डको पासमा जर्जिन्हो विज्नल्डमले गोल गर्दै लिभरपुललाई अग्रता दिलाएका थिए । मोहम्मद सलाहको प्रहारलाई रोक्न खोज्दा मोरिसनले बक्सभित्र ह्यान्ड गर्न पुगेको थियो ।त्यही मौकालाई सदुप्रयोग गर्दै ८१औं मिनेटमा जेम्स मिल्नरले पेनाल्टीमार्फत गोल गर्दै लिभरपुललाई २–० को जित दिलाए ।
हारसँगै कार्डिफ सिटीको रेलिगेसनमा पर्ने सम्भावना बढेको छ ।
