९ वैशाख, काठमाडौं । स्पेनिस ला लिगाअन्तर्गत आइतबार रियल म्याड्रिडले एथलेटिक बिल्बाओलाई ३-० ले पराजित गरेको छ ।निक्कै प्रतिस्पर्धात्मक बनेको खेलमा पहिलो हाफमा दुवै टोलीले गोल गर्न सकेन ।
४७ औं मिनेटमा एसेन्सियोको क्रसमा हेडरमार्फत बेन्जेमाले गोल गर्दै टोलीलाई अग्रता दिलाए । ७६ औं मिनेटमा लुका मोड्रीचको कर्नरलाई सदुप्रयोग गर्दै पुन : बेन्जेमाले दोस्रो गोल थपे ।
खेलको अन्तिम मिनेटमा ग्यारेथ बेलको पासमा बेन्जेमाले गोल गर्दै ह्याट्रिक पुरा गरे । उनको यो जारि सिजन लिगमा २१ औं गोल हो । उनी सर्वाधिक गोलकर्ता सुचिमा दोस्रो स्थानमा छन् ।
यस जितसँगै रियलले अंक तालिकामा ३३ खेलमा ६४ अंक जोडेको छ । समान खेलमा ६८ अंक जोडेको एटलेटिको म्याड्रिड दोस्रो र ७७ अंक जोडेको बार्सिलोना शीर्ष स्थानमा छ ।
प्रतिक्रिया दिनुहोस्