८ वैशाख, काठमाडौँ
इंग्लीस प्रिमियर लिग अन्तर्गत आज तीन महत्वपूर्ण खेल हुँदैछन्। जसमा म्यानचेस्टर युनाइटेडले इभर्टनको सामना गर्ने छ। सो खेल इभर्टनको घरेलु मैदानमा नेपाली समयअनुसार साँझ सवा ५ बजे खेल सुरु हुनेछ।
यस्तै आर्सनल र क्रिस्टल प्यालेसबीच प्रतिस्पर्धा हुनेछ । त्यस्तै अर्को खेलमा कार्डिफ सिटीले लिभरपुलको सामना गर्ने छ। दुवै खेल नेपाली समयअनुसार आज राति पौने ९ बजे सुरु हुनेछ।
८६ अंक जोड्दै म्यानचेस्टर सिटी लिगको शीर्ष स्थानमा छ भने ८५ अंक भएको लिभरपुल लिगको दोस्रो स्थानमा रहँदा ६७ अंक भएको टोटनह्याम तेस्रो स्थानमा छन्।
यसैगरी समान ६६–६६ अंक भएका आर्सनल र चेल्सी गोल अन्तरका आधारमा क्रमश चौथो र पाँचौं स्थानमा छ। म्यानचेस्टर युनाइटेड ६४ अंकसहित लिगको छैठौं स्थानमा छ।
प्रतिक्रिया दिनुहोस्