८ वैशाख, काठमाडौँ।
शनिबार युभेन्टसले लिग उपाधि आफ्नो कब्जामा पारेसंगै रोनाल्डो तीन फरक शीर्ष लिगको उपाधि जित्ने एक्लो खेलाडी बन्न सफल भएका छन् ।
युभेन्टसले फियोरेन्टिनालाई २–१ ले पराजित गरेसँगै रोनाल्डोले यो उपलब्धि हात पारेका हुन् । रोनाल्डो बाहेक अहिलेसम्म अन्य कुनैपनि खेलाडीले यो उपाधि हात पार्न सकेका छैन ।
यसअघि म्यानचेस्टर युनाइटेडबाट खेल्दै इंग्लिस प्रिमियर लिग र रियल म्याड्रिडको जर्सीमा स्पेनिस ला लिगाको उपाधि जितेका थिए ।
रियलमा रोनाल्डोले दुई पटक स्पेनिस ला लिगाको उपाधि जितेका थिए । यसै सिजनको सुरुवातमा रियल छाडेर युभेन्टस पुगेका रोनाल्डोले पहिलो सिजन नै सिरी ‘ए’ उपाधि जित्न सफल भए ।
प्रतिक्रिया दिनुहोस्