८ वैशाख, काठमाडौँ ।
घरेलु मैदानमा शनिबार भएको खेलमा बायर्नले १० खेलाडीमा समेटिएको वेडर ब्रेमेनमाथि १–० को संघर्षपुर्ण जित निकालेको छ । साबिक बिजेता बायर्नको जितमा निकोलस सुलको गोल नै निर्णायक रहयो ।
वेडर ब्रेमेन खेलको ५८औं मिनेटमा १० खेलाडीमा समेटिएपछि बायर्नले निक्कै गोल गर्ने अवसर सिर्जना गरेता पनि गोल भने गर्न सकेन ।
ब्रेमेनका मिलोस भेल्जकोभिक दोहोरो पहेंलो कार्ड खादै मैदानबाट बाहिरिएका थिए । त्यसको फाइदा बायर्नले उठाउदै खेलको ७५औं मिनेटमा थियागो अलकान्ताराको पासमा निकोलस सुलले गोल गर्दै बायर्नलाई महत्वपुर्ण ३ अंक दिलाए ।
जितसँगै बायर्नले दोस्रो स्थानमो बोरुसिया डर्टमन्डमाथि ४ अंंकको अग्रता लिन सफल भएको छ । बुन्डेस लिगामा ४ खेल बाँकी हुदा बायर्न उपाधि नजिक पुगेको हो । यद्दपि एक खेल कम खेलेको बोरुसिया डर्टमन्डले बायर्नलाई पछ्याइरहेको छ।
