६ वैशाख, काठमाडौँ ।
वीरगञ्जबाट एक महिलाको शव जलाउन लैजादै गर्दा प्रहरीले उक्त शव नियन्त्रणमा लिएको छ । वीरगञ्ज महानगरपालिकाबाट अन्दाजी २९ बर्षीया अञ्जुदेवीको शव प्रहरीले नियन्त्रणमा लिएको हो ।
परिवारकै सदस्यबाट हत्या भएको आशंकामा अनुसन्धानका लागि प्रहरीले नियन्त्रणमा लिएको हो । अञ्जुदेवीको शव जलाउन सिर्सिया खोला किनारस्थित गैया घाटमा लैजादै गरेको अवस्थामा प्रहरीले नियन्त्रणमा लिएको हो ।महिलाको श्रीमान पन्नालाल र छरछिमेकका अन्य मानिस फरार छन् ।
स्रोतका अनुसार उनीहरुले शव भारततर्फ लैजाने कोशिस गरेका थिए । तर , एम्बुलेन्स चालक नमानेपछि शव गाउँमै जलाउन खोजिएको थियो । तर प्रहरीमा खबर पुगेपछि प्रहरीले नियन्त्रणमा लिएको हो।
प्रतिक्रिया दिनुहोस्