६ वैशाख, काठमाडौं ।
मोरङ र भोजपुरमा भएको छुटा छुटै दुर्घटनामा परि दुई जनाले ज्यान गुमाएको छ। मोरङको बुढीमगंगा गाउँपालिकामा मोटरसाइकलका चालक २५ वर्षीय सन्तोश साहको मृत्यु भएको हो।
दक्षिणबाट उत्तरतर्फ जाँदै गरेको मोटरसाइकललाई पछाडिबाट ट्रकले ठक्कर दिएको थियो। घाइते साहको उपचारका क्रममा विराट टिचिङ अस्पतालमा मृत्यु भएको प्रहरीले जनाएको छ। प्रहरीकाअनुसार ठक्कर दिने ट्रक र चालक नियन्त्रणमा लिएर घटनाको अनुसन्धान थालिएको छ।
त्यस्तै भोजपुरको हतुवागढीमा ट्रयाक्टर दुर्घटना हुँदा शान्ति मगरको मृत्यु भएको छ। दाउरा लोड गरेर सापिङटारबाट ज्यामिरेतर्फ जाँदै गरेको ट्रयाक्टर अनियन्त्रित भई बिहीबार साँझ साढे ७ बजे सडकबाट अन्दाजी ३५ मिटर तल खसेर दुर्घटना भएको हो।
प्रहरीका अनुसार दुर्घटनामा परेर मगरको घटनास्थलमै मृत्यु भएको हो। ट्रयाक्टर र चालकलाई नियन्त्रणमा लिइएको छ।
