५ वैशाख, काठमाडौं ।
श्रीलंकाले मे ३० देखी जुलाई १४ सम्म इंग्ल्यान्ड र वेल्समा संयुक्त रुपमा आयोजना हुने एक दिवसिय विश्वकप क्रिकेटका लागि विहिवार दिमुथ करुणारत्ने कप्तानमा १५ सदस्य टोली घोषणा गरेको हो । घोषणा टोलीमा दिनेश चाण्डीमल,अलिका धनन्जय,उपल थरंगा, निरोशन डिक्ववेलाले स्थान बनाउन सकेनन् ।
वान डे विश्वकप श्रीलंकाले सन् १९९६ मा जितेको थियो । पछिल्लो दुई वर्षमा भने श्रीलंकाले खस्कदो प्रर्दशन गर्दै आएको छ । विश्वकपमा श्रीलंकाले जुन १ मा न्युजिल्यान्डसँग खेल्दै विश्वकपमा सुरुवात गर्ने छ ।
विश्वकप खेल्ने श्रीलंकाको १५ सदस्य टोलीः
दिमुथ करुणारत्ने (कप्तान), अविष्का फर्नान्डो, लहिरु थिरिमने, कुसल मेन्डिस, कुसल परेरा, एन्जेलो म्यथ्यूज, धनन्नजय डिसिल्वा, तिसारा परेरा, इसुरु उडाना, जेफरी वन्डर्से, जीवन मेन्डिस, मिलिन्डा सिरीवर्डाना, लसिथ मलिन्गा, सुरन्गा लकमल, नुवान प्रदीप रहेका छन्। इग्ल्याण्ड र वेल्समा हुने विश्वकप मे ३० देखि जुलाई १४ सम्म चल्ने छ।
