यूईएफए च्याम्पियन्स लिग अन्तर्गत मंगलबार कप्तान लिओनेल मेस्सीको दुई गोलको मदतबाट नै बार्सिलोनाले म्यानचेस्टर युनाइटेडलाई ३-० ले पराजित गरेको थियो।
खेलको पहिलो हाफमा दुई गोल गरेका मेस्सीले इंग्लिस टोलीविरुद्ध आफ्नो उच्च प्रदर्शन जारी राख्दै अन्तिम चारमा स्थान सुरक्षित बनाए । मेस्सीले खेलपछि बोल्दै बार्सिलोनाले आफ्नो असली प्रदर्शन गरेको बताए । ‘ खेल निकै उत्कृष्ट रहयो । यो नै हामो असली पहिचान हो । सुरुको पाँच मिनेट समय हामीलाई खेलमा पकड बनाउन समय लाग्यो । तर त्यसपछि हामीले पूरै समय खेलमा दवाव बनाउन सफल भयौं,’ मेस्सीले भने ।
बार्सिलोनाले यस सिजन तीनै उपाधि जित्ने सम्भावना कायम छ । तर कप्तान मेस्सी भने अहिलेनै त्यसबारे सोच्ने पक्षमा छैनन् ।
प्रतिक्रिया दिनुहोस्