बैशाख ४, काठमाडौँ ।
आइसीसी एकदिवसीय विश्वकप २०१९ को लागि आयोजक इंग्ल्याण्डले इयान मोर्गनको कप्तानीमा बुधवार १५ सदस्यीय टोलीको घोषणा गरेको छ। टोलीमा फास्टर बलर जोफ्रा आर्चर भने अटाउन सकेनन्।
लियम प्लङकट, डेविड विली, मार्क उड, क्रिस वोक्स, टम कुरान र बेन स्टोक जस्ता फास्ट बलर रहेको टिममा आर्चरले स्थान बनाउन सकेनन्। यस्तै एदिल रसिद र मोइन अली सँगै जोए डेन्लीलाई अतिरिक्त स्पिनरको रुपमा टिममा राखिएको छ। कप्तान मोर्गानसँगै ब्याटिङमा जोस बटलर, जोनी बेर्स्टोव, जोए रुट, ज्यासन रोए, एलेक्स हाल्स छन्।
१५ सदस्यीय टोली घोषणा गरेपनि यो प्रारम्भिक टोली मात्र रहेको छ। आगामी मे १९ मा पाकिस्तान विरुद्धको पाँच एकदिवसीय सिरिज सकिएपछि अन्तिम टोलीको टुङगो लगाउन सकिने जनाएको छ। त्यसका लागि फास्ट बलरमा आर्चरसँगै क्रिस जोर्डन पनि पर्न सक्ने सेलेक्टरले जनाएको छ।
