४ वैशाख,काठमाडौँ ।
इन्डियन प्रिमियर लिग (आईपीएल) को ३२ औं खेलमा किंग्स इलाभेन पन्जावले राजस्थान रोयल्सलाई १२ रनले पराजित गरेको छ ।
१ सय ८३ रनको विजयी लक्ष्य पछ्याएको राजस्थान २० ओभरमा ७ विकेटको नोक्सानीमा १ सय ७० रनमा अल आउट भयो । राजस्थानका लागि राहुल त्रिपाठीले ४५ बलमाको सामना गर्दै सर्वाधिक ५० रन जोडे । त्यस्तै जस बटलरले १७ बलमा २३,सन्जु स्यामसन २७,अस्टन टर्नर शुन्य,कप्तान अजिंक्या रहाने २६ र जोफ्रा आर्चर १ रनमा आउट भए । स्टुअर्ट बिन्नी ११ बलमा ३३ रन जोड्दै अविजित रहे ।
पन्जावका लागि अक्र्षदिप सिंह,कप्तान रविचन्द्र र मोहम्मद सामीले समान २ तथा मुरुर्गन आश्विन एक विकेट लिए ।
त्यस अघि घरेलु मैदानमा टस हारेर ब्याटिङको निम्तो पाएको पन्जावले निर्धारित २० ओभरमा ६ विकेटको क्षतिमा १ सय ८२ रन बनाएको थियो । पन्जावका लागि केएल राहुलले ५२ रन बनाए । आश्विनले ४ बलमा १७ रन जोड्दै नट आउट रहे ।डेविड मिलर २७ बलमा ४० रन बनाउदै आउट भए । तेस्रो विकेटका लागि राहुल र मिलरले ८५ रनको साझेदारी गर्दै पन्जावलाई बलियो योगफल सम्म युर्याएका थिए । क्रिस गेलले २२ बलमा ३ छक्का र २ चौका सहित ३० रन बनाए । त्यस्तै अग्रवालले १२ बलमा २ छक्का र १ चौका प्रहार गर्दै २६ रन बटुले । निकोलस पुरन ५ र मन्दीप सिंह शुन्यमा पेभिलियन फर्किए ।
राजस्थानका लागि जोफ्रा आर्चरले ४ ओभरमा १५ रन खर्चेर ३, ईश सोधी,जयदेव उनादकट र धवन कुलकर्णीले समान १ विकेट लिए ।
