३ वैशाख, काठमाडौं ।
इंग्ल्याण्ड र वेल्समा आगामी मे जुन जुलाईमा हुने एकदिवसीय विश्वकपका लागि मोसरफ मोर्ताजाको कप्तानीमा मंगलवार बंगलादेशको १५ सदस्यीय टोली घोषणा भएको छ । विश्वकप खेल्ने टोली सार्बजनिक गर्ने बंगलादेश चौथो राष्ट्र बनेको छ। यसअघि न्यूजिल्याण्ड, अष्ट्रेलिया र भारतले टोली घोषणा गरिसकेका छन्।
१२औँ संस्करणको विश्वकपमा आइसीसीको १० फूल मेम्बर सदस्य राष्ट्रले सहभागी जनाउने छ । सिंगल राउण्ड रोविन लिगका आधारमा हुने प्रतियोगितामा लिग चरणमा कूल ४५ खेल हुनेछ। त्यसपछि दुई सेमिफाइनल र एक फाइनल हुनेछ।
लिग चरणमा अंकतालिकामा पहिलो र चौथो हुनेबीच पहिलो सेमिफाइनल हुनेछ र दोस्रो र तेस्रो हुनेबीच दोस्रो सेमिफाइनल हुनेछ।
बंगलादेशी टोली: मोसरफ मोर्ताजा(कप्तान), तमिम इकवाल, लिटन दास (विकेटकिपर), सौम्य सरकार, मुस्फिकर रहिम (विकेटकिपर), महमुदुल्लाह, शकिब अल हशन, मोहमद मिथुन, सविर रहमान, मोसादेक होसेन, मोहमद सैफुद्दिन, मेहदी हसन, रुबेल हुसेन, मुस्ताफिजुर रहमान, अबु जायद
